Modul 1 introduksjon til bunadtilverkarfaget




7. – 11. november (E. kursrekkje 2022 – 2024 INTENSIV)
Kursstad
Raulandsakademiet, Akademiet 2, 3864 Rauland. Korleis reise til Rauland? https://visitrauland.com/reisen-hit/
Raulandsakademiet, https://visitrauland.com/raulandsakademiet/
Kost og losji:
Deltakarane må sjølv ta kontakt med akademiet for overnatting Tlf.: 35 07 32 92. Opplys om at det gjeld Bunadopplæringa. Raulandsakademiet tilbyr fullpensjon (frukost, lunsj, middag) kr. 1300,- per døgn.
Kursavgift:
Modul 1 – 3, kr. 4850,- per modul inkl. kursmateriell.
Modul 4 – 6, kr. 5350,- per modul inkl. kursmateriell.
(Prisen blir indeksregulert kvart år). I tillegg til kursavgift kjem kost og losji.
Undervisningstid:
Måndag – fredag kl. 09.00 – 18.00. Siste dag avsluttast kl. 13.00.
Kursavgift Modul 1
kr. 4850,- ( Faktura kjem i eiga e-post frå post@kulturogtradisjon.no ).
Innhald
Modul 1, handlar om Introduksjon til bunadtilverkarfaget, eit utval småteknikkar knytt til bunad, planlegging og gjennomføring av eige arbeid.
Som fylgje av ny læreplan Vg3 bunadtilverkar/opplæring i bedrift, er det gjort justeringar i modulplanane frå og med ny modulrekkje. Mellom anna er snorer og band flytta til eigen modul.
Bunadtilverkarfagets sentrale verdiar og eigenart
- Dokumentasjon og presentasjon
- Vegen til sveinebrev
- Bransjeinformasjon
- Bedriftsforståing
- Eit utval sting- og reperasjonsteknikkar
Omfang
Presentasjon av bunadtilverkarfaget relatert til sveinebrevet og dokumentasjon av eige arbeid. Innføring i eit utval småteknikkar som sting og samansyings-teknikkar.
Prøvelappar på:
- Forsting
- Kastesting
- Skråtråkling
- Attersting og opne attersting
- Faldesting med prikk
- Prikkesting/prikkestikning
- Spilesaum
Kompetansemål
Planleggje, gjennomføre, vurdere og dokumentere eige arbeid. Bruk av fagleg nettverk lokalt og nasjonalt. Historisk riktige sting- og monteringsteknikkar.
Utforske og bruke fagets historie og eigenart, og formidle og vidareføre tradisjonell kunnskap om bunadtilverking. Bruke formålstenlege arbeidsstillingar, og gjere greie for gode arbeidsrutinar i ein produksjon. Vurdere og utføre reparasjonar og omsaum på bunader. Utrekning av tid og pris på eigne produkt, og gjere greie for korleis ulike val påverkar tidsbruk og lønsemd.
Modulane i Bunadopplæringa er bygd opp kring kompetansemåla i læreplanen for bunadtilverkarfaget Vg3, og kan inngå som ein del av vegen til sveinebrev.
Kurslærarar:
Mona Løkting og Hege-Therese Nilsen
Kurslærar har med seg det som trengs av materiell som garn, stoffar og sytråd.
Deltakaren tek med:
Perm, plastlommer, skrivesaker, knappenåler, saks, måleband, tråkletråd, fingerbøl, fotoapparat eller mobil til å ta bilde for dokumentasjon.
Ta gjerne med:
- Lupelampe. Det er tilgang til dette, men ta gjerne med om du vil bruke eiga.
- Briller. Vi brukar ofte to par utanpå kvarandre
- Hovudlykt, om du har. Vi treng godt ljos.
- Nåler. Ta med deg ulike nåler, tynne, tjukke, lange, stutte, spisse og butte.
- Nål-i-treder
- Noko som kan reparerast. Flott med ulike eksemplar! Du kan fikse det på kurset eller få forslag til korleis det kan reparerast.
- Om du har strikkeplagg med hull i – Ta med! Har du tid, lag gjerne 3 – 4 lappar, ca 10 x 10 som du kan klippe hull i og stoppe.
Du er hjarteleg velkommen til å ta kontakt om du har spørsmål.
På vegne av samarbeidspartane
Beste helsing
Linda Aaboen – Rådgjevar
Studieforbundet kultur og tradisjon
Vågåvegen 35, 2680 Vågå
Tlf.: 61 21 77 50/ 957 75 770
Vedlegg:
- Ny læreplan vg3 bunadtilverkarfaget opplæring i bedrift.
- Støttelitteratur
- Kursplan
- Timeplan
- Deltakarliste